Президент Қасим-Жомарт Тоқаев Си Цзинпинга табрик телеграммаси йўллади
ASTANA. Kazinform – Қозоғистон Президенти Хитой Халқ Республикаси Раиси Си Цзинпинни Хитой Коммунистик партияси Марказий қўмитаси Бош котиби лавозимига қайта сайлангани билан табриклади. Бу ҳақда Ақордага таяниб, Kazinform хабар бермоқда.
«Бу ғалаба, шубҳасиз, ватандошларингиз сизни кенг қўллаб-қувватлаётгани, Хитойнинг сиёсий ва иқтисодий пойдеворини мустаҳкамлаш, фуқаролари фаровонлигини ошириш, халқаро майдондаги обрў-эътиборини оширишга қаратилган оқилона ва узоқни кўзлаган сиёсатингиздан далолатдир.
Сизнинг раҳбарлигингиз остида мамлакатингиз бугунгидан ҳам юксак марраларни забт этишини чин дилдан тилайман», — дейилади телеграммада.
Эслатиб ўтамиз, аввалроқ Си Цзинпин Хитой Коммунистик партияси марказий қўмитаси бош котиби лавозимига қайта сайлангани хабар қилинганди.
Фото: akorda.kz
