Президент боксчи Назим Қизайбайни тарихий ғалаба билан табриклади

ASTANA. Kazinform - Қасим-Жомарт Тоқаев қозоғистонлик боксчи Назим Қизайбайни тарихий ғалаба билан табриклади, деб хабар беради Ақорда матбуот хизмати.

“Назим Қизайбайни маҳаллий бокс тарихидаги илк уч карра Жаҳон чемпиони бўлгани билан табриклайман. Бу - муҳим ютуқ!

Сербиядаги жаҳон чемпионатида ажойиб натижалар кўрсатган терма жамоа аъзоларига миннатдорчилик билдираман. Спортчи қизларимизга келажакда улкан ғалабаларни қўлга киритишларини тилайман”, – деб ёзди Давлат раҳбари Instagram ижтимоий тармоғидаги саҳифасида.