Президент Алмати шаҳри ҳокимини қабул қилди
Давлат раҳбарига Алмати шаҳрини жорий йилнинг биринчи чорагида ижтимоий-иқтисодий ривожлантириш якунлари ҳақида маълумот берилди.
Бу даврда ишбилармонлик фаоллиги ҳисобига қисқа муддатли иқтисодий кўрсаткич 23,9 фоизгача тезлашди.
Ишбилармонлик фаоллиги кўрсаткичи эса 57,9 фоизга ошиб, ҳудудлар орасида биринчи ўринни эгаллади.
Президентга иқтисодиётни янада диверсификация қилиш чора-тадбирлари тўғрисида маъруза қилинди.
Жорий йилда кичик ва ўрта бизнес субъектларининг 43 миллиард тенгелик 3 мингта лойиҳасини қўллаб-қувватлаш режалаштирилган.
Факторинг шартномаларини молиялаштириш учун қўшимча 4 миллиард тенге ажратилди. Ишлаб чиқариш саноатининг ўсишини таъминлаш мақсадида 5 та кичик саноат парки очилди.
Бундан ташқари, Давлат раҳбарига «2025 йилгача Алмати шаҳрини ривожлантиришнинг 2025 йилгача дастури ва 2030 йилгача ўрта муддатли истиқболлари» доирасида амалга оширилаётган Алмати шаҳри транспорт тизимини шакллантиришнинг бориши ҳақида маълумот берилди.
Жорий йилда шаҳарда Давлат раҳбарининг жамоат транспортининг атроф-муҳитга зарарли таъсирини камайтириш бўйича топшириғини бажаришга асосий эътибор қаратилади.
600 та янги газда ҳаракатланувчи автобус ва 100 та троллейбус харид қилиш учун 66 миллиард тенгедан ортиқ маблағ йўналтирилиши режалаштирилган. Шунингдек, хусусий ташувчилар 650 та янги автобус ва 31 та электробус сотиб олади.
Бундан ташқари, Қасим-Жомарт Тоқаевга йўл инфратузилмасини модернизация қилиш сифатини ошириш режаси тақдим этилди.
Учрашувда Давлат раҳбарининг ваколатларни марказсизлаштириш бўйича топшириғига алоҳида эътибор қаратилди.
1 апрелдан бошлаб шаҳар ҳокимлигининг 15 та функцияси туман ҳокимликларига ўтказилди ва уларнинг бюджети 2,7 баробарга, яъни 161,6 миллиард тенгега оширилди.
Учрашув якунида Қасим-Жомарт Тоқаев сармоя жалб этиш ва ижтимоий аҳамиятга эга озиқ-овқат маҳсулотлари нархи барқарорлигини таъминлаш чораларини кўриш бўйича қатор аниқ топшириқлар берди.
Фото: akorda.kz
