Ўпкаси 100 фоиз шикастланган 84 ёшли отахон коронавирусдан соғайди

ALMATY. Kazinform – Алматидаги фтизиопульмонология марказида икки кекса одам коронавирусдан даволаниб чиқди, дея хабар беради Kazinform мухбири.

Алмати шаҳар соғлиқни сақлаш бошқармасининг маълумотларига кўра, улардан бири 84 ёшли отахон, унинг ўпкаси 100 фоиз шикастланган.

«Отахон 19 июль куни коронавирус ташхиси билан касалхонага ётқизилган. Қуруқ йўтал, умумий заифлик ва иштаҳа йўқолишига шикоят қилди. Унинг ҳаётини сақлаб қолиш учун шифокорлар 16 кун давомида курашди. Бемор 16 кун реанимация бўлимида даволанди. 8 кун давомида ЎСВ аппаратига ўланган. Аҳволи нормал ҳолатга қайтгач, бемор палатага ўтказилди», - деди Фтизиатрия ва пульмонология маркази директори Жанар Сапиева.

Иккинчи бемор 78 ёшли онахон. У бир ойдан кўпроқ вақт давомида икки томонлама полисегментал пневмония ташхиси билан касалхонада даволанди. Беморнинг ўпкаси 85% шикастланган. Унинг сўзларига кўра, у касаллик бошланганида ЎРВИ деб ўйлаган ва уйда уч кун даволанган.

Жанар Сапиеванинг сўзларига кўра, бугунги кунда беморлар ўзларини яхши ҳис қилишмоқда, уларда коронавирус инфекциясининг аломатлари йўқ. Улар уйга юборилиб, амбулатория назоратига олинди.

Муаллиф: Алма Муқанова