Париж-2024: Олимпиадачилар қандай меҳмонхоналарга жойлашади
ASTANА. Кazinform - Бугун Франция пойтахти Париж шаҳрида бўлиб ўтадиган ХХXIII ёзги Олимпия ўйинларига роппа-роса 14 кун қолди. Бугун бутун дунё томоша қиладиган тўрт йиллик мусобақанинг ташкилий қўмитаси спортчилар жойлашадиган Олимпия шаҳарчасини кўрсатди.
Келгуси ҳафтадан бошлаб Олимпия шаҳарчаси ўз меҳмонларини қабул қила бошлайди. Шаҳарчанинг майдони 300 минг квадрат метрни ташкил қилади. У ерга Париж Олимпиадаси ва Паралимпия ўйинлари иштирокчилари жойлашади.
Дунёнинг 200 дан ортиқ давлатидан келган 15 мингга яқин спортчини ўз бағрига оладиган бино замонавий ва ўзгача кўринишда барпо этилган.
Қурилиши 7 йил давом этган 80 дан ортиқ биноларда 7200 та хона мавжуд.
Эслатиб ўтамиз, айни дамда тўрт йиллик мусобақага йўлланмани қўлга киритган қозоғистонлик спортчиларимиз сўнгги машғулотларни ўтказмоқда.
Эслатиб ўтамиз, айни дамда тўрт йиллик мусобақага йўлланмани қўлга киритган қозоғистонлик спортчилар сўнгги машғулотларни ўтказишмоқда. Қозоғистон терма жамоаси спортнинг 25 тури бўйича Олимпия ўйинларига 80 та йўлланмани қўлга киритди. Хусусан, бокс, дзюдо, гимнастика, енгил атлетика, байдарка ва каноэда эшкак эшиш, ўқ отиш, қиличбозлик, юнон-рум кураши, эркин кураш, камондан отиш, стендда отиш, теннис, велошоссе, сузиш, замонавий бешкураш, таэквондо, велотрек, батут гимнастикаси, бадминтон, академик эшкак эшиш, бадиий гимнастика, триатлон, стол тенниси, қояга кўтарилиш ва брейкинг бўйича Олимпия ўйинларида иштирок этади.
Франция пойтахти Париж шаҳрида бўлиб ўтадиган XXXIII ёзги Олимпия ўйинлари 26 июлдан 11 августгача бўлиб ўтади. Ўйинларда 205 давлатдан 10 500 нафар спортчи иштирок этиши режалаштирилган. Унда 32 спорт туридан 329 та медаллар жамланмаси ўйналади.
