Панамадаги қадимий қумондон қабридан хазиналар топилди
Эль-Каньо жамғармаси веб-сайтида хабар қилинганидек, тадқиқотчилар дафн тахминан 1200 йил олдин яшаган қумондон Коклга тегишли деб ҳисоблашади. Қабрдан марҳумга қурбонликлар, асосан сопол буюмлар, шунингдек, дафн маросимининг бир қисми бўлган олтин буюмлар топилган. Археологларнинг таъкидлашича, топилма нафақат юқори моддий қийматга эга, балки улкан тарихий аҳамиятга эга.
Олтин топилмалар орасида 5 та кўкрак тақинчоқлари, кит тишларидан ясалган 5 та олтин қопламали сирғалар, 4 та билагузуклар, 2 та мунчоқли белбоғлар, 2 та қўнғироқлар, эркак ва аёл фигуралари кўринишидаги сирғалар, тимсоҳ шаклидаги сирғалар, маржон, думалоқ пластинкалар тўплами топилди.
Илм-фан учун нафақат топилган хазина, балки жойнинг ўзи ҳам қизиқ, чунки у кўмилишнинг мутлақо ўзига хос турини англатади. Олимларнинг фикрича, қабр 750-800 йилларда қўйилган. Унда нафақат раҳбарнинг қолдиқлари, балки ҳукмдорга охиратгача ҳамроҳлик қилиш учун ўлиши керак бўлган унинг бутун мулозимлари ҳам бўлиши мумкин.
