Олти йил ичида Қозоғистон агросаноат мажмуасини субсидиялаш учун 2,5 триллион тенге ажратилди

ASTANA. Kazinform - Қишлоқ хўжалиги ялпи маҳсулоти сўнгги олти йил ичида 1,8 баравар ўсиб, 8,3 триллион тенгега етди, дея хабар беради Kazinform Ҳукумат матбуот хизматига таяниб.

Ўтган йили ғалладан рекорд даражадаги ҳосил етиштирилгани фермерларни давлат томонидан қўллаб-қувватлаш чора-тадбирлари самарадорлигини кўрсатади. Олти йил давомида агросаноат мажмуасини субсидиялаш учун 2,5 триллион тенге ажратилди, бу эса қишлоқ хўжалиги ялпи маҳсулотининг 1,8 баробар – 8,3 триллион тенгегача ўсишини таъминлади.

Қишлоқ хўжалигида банд бўлган бир кишига тўғри келадиган меҳнат унумдорлиги беш йил ичида икки баравар ошиб, 4,2 миллион тенгега етди, озиқ-овқат маҳсулотлари ишлаб чиқариш ҳажми эса 2,1 баробар ошди.

Бундан ташқари, Ҳукумат норесурс тармоқлар иқтисодий ўсишнинг драйверига айланиб бораётганини таъкидлайди.