Олимлар Анголада 34 та мутацияга эга коронавируснинг янги штаммини аниқлади

NUR-SULTAN. Kazinform – Олимлар Ангола аэропортида саёҳатчилардан биридан коронавируснинг 34 та мутацияга эга янги штаммини аниқлади. Бу маълум бўлган барча штаммлардан кўпроқдир. SARS-CoV-2 жуда юқумли ва организмнинг иммунитет тизимини сусайтириши мумкин. Бу ҳақда Kazinform «Известия»га асосланиб хабар беради.

Илгари номаълум геном февраль ойи ўрталарида Танзаниядан келган уч йўловчининг тест натижасида аниқланган.

GISAID очиқ маълумотлар базасида ушбу Африка мамлакатига саёҳатдан кейин аниқланган бошқа тўққизта геномик кетма-кетликлар тўғрисидаги маълумотлар мавжуд, улардан иккитаси Ангола штаммига ўхшаш асосга эга.

Коронавируснинг янги штамми вақтинча A.VOI.V деб номланди. Унинг ДНКсидан 31 та аминокислота ўтиши (муҳим функционал ўтиш) аниқланди.

Африкалик олимлар Ангола штаммидаги баъзи мутацияларни илгари маълум бўлган штаммлардан аниқладилар. Мутахассисларнинг тахминларига кўра, бу ўзгаришлар янада ривожланиб, фойдали белгилар сифатида ДНКда тасдиқланади. Янги штаммни аниқлаган тиббиёт ходимларининг фикрига кўра, бу мутацияларнинг барчаси коронавируснинг антитаначаларга чидамлилигини ва унинг юқумлилигини ошириши мумкин.