Оғир атлетика: Александр Уваров Осиё чемпионатининг бронза медалига сазовор бўлди
ASTANА. Кazinform - Қозоғистон Ҳиндистоннинг Гандинагар шаҳрида бўлиб ўтаётган оғир атлетика бўйича катталар ўртасидаги Осиё чемпионатида ўзининг биринчи медалини қўлга киритди, деб хабар беради ҚР Туризм ва спорт вазирлиги Спортни ривожлантириш дирекцияси матбуот хизмати.
Эркаклар ўртасидаги -88 кг вазн тоифасидаги қозоғистонлик Александр Уваров силтаб кўтаришда 165 кг оғирликни кўтариб, 3-ўринни эгаллади. Бу эса, ўз навбатида, унга ушбу мусобақанинг бронза медалини қўлга киритиш имконини берди.
Шундан сўнг, терма жамоа спортчиси даст кўтариш дастурида 200 кг натижа билан ўзини кўрсатиб, 4-ўринни эгаллади. Умумий ҳисобда эса Александр 365 кг (165 + 200) натижа билан 5-ўринни эгаллади.
Ушбу вазн тоифасидаги яна бир қозоғистонлик Алибек Раҳимберди 9-ўринда.
Бу Қозоғистон жамоасининг ушбу халқаро мусобақадаги биринчи медалидир.
Мусобақа 18 май куни якунланади. Энди Мейрам Султан (111 кг) мамлакат шарафини ҳимоя қилади.
Эслатиб ўтамиз, оғир атлетика бўйича Осиё чемпионатида иштирок этувчи спортчилар маълум қилинди.
