Нурсултан Алтинбек World Boxing жаҳон чемпионатини ғалаба билан бошлади
ASTANA. Kazinform - Қозоғистонлик Нурсултан Алтинбек (55 кг) Бразилияда бўлиб ўтаётган World Boxing жаҳон чемпионатининг биринчи даврасида ғалаба қозонди.
Биринчи жангида у бразилиялик Михаэль Тринидад билан баҳслашди. Жанг давомида Нурсултан ихчам ҳаракат кўрсатди. Рақибига кўпроқ зарба беришга ҳаракат қилди. Натижада рақибини мағлуб этиб, чорак финалга йўлланма олди.
Мазкур мусобақада мамлакатимиз эркаклар терма жамоасидан яна етти нафар боксчи баҳс олиб боради. Улар орасида Нурзат Онғаров (50 кг), Талғат Сиримбетов (60 кг), Алмат Абдулали (65 кг), Дархан Дуйсебай (70 кг), Диас Молжигитов (80 кг), Даулет Толемисов (85 кг) ва Даниял Сапарбай (90 кг дан юқори) бор.
Аёллар терма жамоасидан эса 51 кг вазнда Жазира Орақбаева, 54 кг вазнда Анита Адишева, 57 кг вазнда Улжан Сарсенбек юрт шарафини ҳимоя қилади.
