Нур-Султан аэропортидан коронавирусга ПЗР сертификати бўлмаган Ўзбекистон фуқароси чиқариб юборилди

NUR-SULTAN. Kazinform – 25 апрель куни Қозоғистон ҳудудига АҚШ, Германия, Мальдив ороллари, Бирлашган Араб Амирликлари, Миср, Туркия, Украина, Россия, Тожикистон, Ўзбекистон ва Қирғизистондан 27 та халқаро рейслар учиб келди, деб хабар беради Kazinform.

Ўтган кун давомида Қозоғистонга ҳаво йўли билан жами 4 307 йўловчи учиб келди. Шу жумладан:

- Алмати шаҳар аэропортига - 16 рейс, 2 590 йўловчи;

- Нур-Султан шаҳар аэропортига - 7 рейс, 1 140 йўловчи;

- Чимкент шаҳар аэропортига - 2 рейс, 311 йўловчи;

- Атирауга шаҳар аэропортига - 1 рейс, 153 йўловчи;

- Туркистон шаҳар аэропортига - 1 рейс, 113 йўловчи.

ҚР Соғлиқни сақлаш вазирлиги Санитария-эпидемиология назорати қўмитасининг хабар беришича, 25 апрель куни Нур-Султан шаҳар аэропортидан ПЗР сертификатсиз «Ташкент – Нур-Султан» рейси билан учиб кетган Ўзбекистон фуқароси чиқариб юборилган.