Новак Жокович йилнинг энг яхши спортчиси деб топилди
МАDRID. Кazinform – Сербиялик теннисчи Новак Жокович Laureus World Sports Academy талқини бўйича 2023 йилнинг энг яхши спортчиси совринини қўлга киритди. Ғолибларни тақдирлаш маросими Мадридда бўлиб ўтди. Бу ҳақда ТАСС агентлиги ёзди.
Жокович бешинчи марта совринни қўлга киритди ва швейцариялик теннисчи Рожер Федерер билан тенглашиб олди. Бунгача Жокович 2012, 2015, 2016 ва 2019 йилларда ушбу совринни қўлга киритган эди. Ўтган мавсумда сербиялик теннисчи уч марта “Катта дубулға” турнири – Австралия очиқ чемпионати, Франция очиқ чемпионати ва АҚШ очиқ чемпионати ғолибига айланган.
“Йил спортчиси” номинациясида Жокович таяниб сакраш бўйича жаҳон спортчиси Арманд Дюплантис, норвегиялик футболчи Эрлинг Холланд ва аргентиналик Лионель Месси, америкалик югурувчи Ноа Лайлз ва Формула-1 бўйича голландиялик чемпион Макс Ферстаппенни ортда қолдирди.
Аёллар ўртасида Испания терма жамоаси ва "Барселона" футболчиси Айтана Бонмати йилнинг энг яхши спортчиси деб топилди. Испаниянинг “Реал Мадрид” клубининг англиялик футболчиси Жуд Беллингем “Йилнинг энг яхши ютуқлари” номинациясида ғолиб чиқди. Футбол бўйича жаҳон чемпионатида ғолиб чиққан Испания аёллар терма жамоаси “Йилнинг энг яхши жамоаси” номацияси билан тақдирланди.
36 ёшли Жокович эркаклар ўртасидаги яккалик баҳсларида 98 та АТР ғалабаси, жумладан, 24 та “Катта дубулға” ғолиблиги билан рекордлар сони бўйича дунёда биринчи ўринда. Спортчи Олимпия ўйинларининг бронза медали совриндори (2008) ва Дэвис кубоги ғолиби (2010).
Laureus мукофоти 1999 йилда бир нечта бош ҳамкорлар - ишбилармонлик оламидаги таниқли компаниялар иштирокида таъсис этилган. Биринчи босқичда номзодлар спорт матбуоти томонидан танлаб олинади, сўнгра академиянинг собиқ таниқли спортчилари бўлган 50 нафар аъзоси томонидан овоз берилади.
