Нигерияда қароқчилар қишлоқни вайрон қилиб, 160 кишини ўғирлаб кетишди

ASTANА. Кazinform - Нигериянинг марказий қисмидаги Нигер штатида жангарилар томонидан уюштирилган ҳужум оқибатида камида 10 киши ҳалок бўлди, яна 160 киши ўғирлаб кетилди, деб хабар берди маҳаллий ҳукумат BBCга.

"Боко Ҳарам" исломий гуруҳидан экани тахмин қилинган қуролли жангарилар жума куни кечқурун Кучи қишлоғига кириб келди, деди маҳаллий кенгаш раиси Амину Абдулҳамид Нажуме BBC World Serviceга.

Унинг сўзларига кўра, ўғирланганлар орасида асосан аёллар ва болалар, ҳалок бўлганлар орасида ҳудуд хавфсизлигини таъминлаган маҳаллий аҳоли ҳам бор.

Маълумотларга кўра, жангарилар қишлоққа мотоциклда кириб, у ерда икки соатдан кўпроқ вақт ўтказган ва шу вақт ичида ўзлари овқат тайёрлашга муваффақ бўлишган.

Шундан сўнг улар уйларни талон-тарож қилишди ва маҳаллий аҳолини олиб кетишди.

Халқаро Амнистия инсон ҳуқуқлари ташкилоти оммавий ўғирлашлардан чуқур хавотирда эканлигини билдирди.

“Жангариларнинг қишлоққа бостириб кириши Нигерия ҳукумати одамлар ҳаётини тўлиқ ҳимоя қила олмаганининг яна бир далилидир, — дейилади хабарда. – 2021 йилдан буён жангарилар Кучи қишлоғига тинимсиз ҳужум қилиб, аёллар ва қизларни зўрлаб келади”.

Ташкилотга кўра, жангарилар аҳолидан катта миқдорда пул талаб қилмоқда.