NASА Уэбб телескопидан Юпитернинг суратларини эълон қилди

None
None
WASHINGTON. Кazinform - NASА душанба куни Жеймс Уэбб телескопи томонидан олинган Юпитернинг сайёра хусусиятларини батафсил кўрсатувчи иккита янги суратини эълон қилди. Бу ҳақда Kazinform мухбири АBC Newswга таяниб хабар беради.

Тасвирлар телескоп камераси томонидан олинган бўлиб, у коинотдаги нарсаларни аниқлаш учун инфрақизил нурлардан фойдаланади.

Биринчи фотосурат - Қуёш тизимидаги энг катта сайёранинг «космоснинг қора фонида» композицион тасвири бўлиб, Юпитернинг нотинч атмосферасини кўрсатадиган турли рангдаги айланмалар мавжуд.

Сайёрамизнинг юқори ва пастки қисмидаги ёрқин жигарранг нурлари Юпитернинг Шимолий ва Жанубий нурларини кўрсатади.

Тасвирда шунингдек, Ернинг диаметридан 1,3 баравар катта бўлган машҳур Буюк Қизил нуқта ҳам кўрсатилган. NASА маълумотларига кўра, уни соатига 400 километрдан ортиқ тезликда шамоллар яратиши мумкин. Расмда нуқта оқ кўринади, чунки у қуёш нурини акс эттиради ва баландликда жойлашган.

Иккинчи расмда Юпитернинг кенгроқ кўриниши, жумладан, сайёрадан миллион марта хирароқ бўлган ҳалқалари кўрсатилган, дея хабар беради космик агентлик.

Шунингдек, Юпитернинг иккита йўлдоши - Адрастея ва Амальтея ҳам кўринади, улар ҳалқаларнинг ўта чап бурчагида жойлашган.

Тасвирнинг қолган қисми фазонинг қоралигини кўрсатса-да, пастки қисмида лойқа доғлар бор, улар аслида узоқда порлаётган галактикалардир.

Берклидаги Калифорния университетининг астрономия, ер ва сайёра фанлари бўйича фахрий профессори Имке де Патер ўз ҳайратини шундай ифода қилди: «Биз Юпитер тафсилотларини, унинг ҳалқалари, майда йўлдошлари ва ҳатто галактикаларини бир тасвирда кўришимиз ҳақиқатан ҳам ҳайратланарли».

Фото: abcnews.gо.cоm


Сўнгги хабарлар
telegram