Миллий қурултой келаси йили Атирауда бўлиб ўтади

ASTANA. Kazinform – Миллий қурултойнинг учинчи йиғилиши Атирау вилоятида бўлиб ўтади, деб хабар беради Kazinform мухбири.

«Миллий қурултойнинг иккинчи мажлисини шу билан якунлаймиз. Ўтган йили Улитауда, бу йил Муқаддас Туркистонда учрашиб, миллий масалаларни муҳокама этдик. Мамлакат тарихида алоҳида ўринга эга бўлган яна бир ҳудуд – Атирау вилоятидир. Машҳур хонларимиз ўз даврида у ердаги Сарайшиқ шаҳрида бўлган. Мен Миллий қурултойнинг навбатдаги йиғилишини ушбу тарихий минтақада ўтказишни таклиф этаман. Юртимизда эзгу яхшиликлар кўп бўлсин!», – деди ҚР Президенти Қасим-Жомарт Тоқаев Туркистонда бўлиб ўтган иккинчи Миллий қурултойда.

Эслатиб ўтамиз, Миллий қурултойнинг биринчи йиғилиши ўтган йил 16 июнда Улитау вилоятида бўлиб ўтди.

Ўшанда Президент навбатдаги мажлисни муқаддас Туркистонда ўтказишни таклиф қилган эди.

Муаллиф: Есимжан Нақтибай