Миллатлар лигаси: Хорватия Францияни мағлуб этди

ASTANА. Кazinform — UEFА Миллатлар лигаси плей-офф босқичининг дастлабки ўйинлари ўз ниҳоясига етди.

Хорватия А лигаси чорак финалининг биринчи ўйинида Францияни 2:0 ҳисобида мағлуб этди.

Биринчи бўлимда Анте Будимир ва Иван Перишичлар гол уриб, жамоасига ғалаба келтирди.

Шу тариқа хорватичликлар ярим финалга яқинлашишди.

Дания Криштиану Роналду бошчилигидаги Португалияни иккинчи бўлимда захирадан майдонга тушган Расмус Хойлунднинг голи эвазига 1:0 ҳисобида мағлуб этди.

Германияни қабул қилган Италия биринчи бўлиб Сандро Тонали ёрдамида ҳисобни очган бўлса, иккинчи бўлимда гол ўтказиб юборди – 1:2. Тим Клайндинст ҳисобни тенглаштирган бўлса, Леон Горецка ғалаба тўпини киритди.

Нидерландия ўз майдонида Испания билан 2:2 ҳисобида дуранг ўйнади. Испаниялик Нико Уильямс ва Микель Мерино, нидерландиялик Коди Гакпо ва Тейани Рейндерс алоҳида ажралиб туришди.

Шунингдек, А/В лигаси плей-офф босқичида Украина фаворит ҳисобланган Бельгияни 3:1 ҳисобида мағлуб этди.

Туркия Венгрияни худди шундай ҳисобда мағлуб этди. Греция ўз майдонида Шотландияга 0:1 ҳисобида имкониятни бой берган бўлса, Австрия Сербия билан 1:1 ҳисобида дуранг ўйнади.

В/C лигаси плей-офф босқичида Грузия ўз майдонида Арманистонни 3:0 ҳисобида мағлуб этди.

Словакия – Словения учрашувида ҳисоб очилмаган бўлса, Косово Исландияни мағлуб этди – 2:1.

Болгария ўз майдонида Ирландияга мағлуб бўлди – 1:2.

Жавоб учрашувлар 23 март куни бўлиб ўтади.

Эслатиб ўтамиз, Миллатлар лигаси плей-офф ўйинлари бошланиши ҳақида хабар берган эдик.