Михаил Кукушкин Индиан-Уэллс мастерс турнирини ғалаба билан бошлади

ASTANА. Кazinform — Дунё рейтингида 166-ўринни эгаллаб турган қозоғистонлик теннисчи Михаил Кукушкин Индиан-Уэллс мастерс турнирида (АҚШ) саралаш мусобақаси финалига чиқди.

Қозоғистонлик теннисчи саралаш турнирининг ярим финалида дунё рейтингида 602-ўринни эгаллаб турган 19 ёшли франциялик Тео Папамаламисга қарши кортга чиқди.

Кукушкин биринчи партияда 6:4 ҳисобида ғалаба қозонди.

Иккинчи сетда француз спортчиси тай-брейкда ғалаба қозонди — 7:6 (7:4).

Учинчи, ҳал қилувчи сетда М.Кукушкин ғалабани тортиб олди — 7:5.

Уч соату 28 дақиқа давом этган кескин баҳсда Кукушкин битта эйс билан бирга саккизта брейк-пойнтдан бештасини қўлга киритди. Папамаламис 2 та эйс ва 3 та брейк (13 брейк-пойнт)билан чекланди.

Михаил Кукушкин саралаш турнирининг финалида 394-ўринни эгаллаб турган италиялик Жулио Зеппиерини мағлуб этса, асосий тўрга йўл олади.

Соврин жамғармаси 19,3 миллион долларга баҳоланган Индиан-Уэллс турнири 5-16 март кунлари бўлиб ўтади.

Эслатиб ўтамиз, аввалроқ Бейбит Жуқаев Франциядаги мусобақанинг 1/8 финалига чиққани ҳақида хабар берган эдик.