Мейирим Нурсултанов WBO чемпионлик унвонини ҳимоя қилади

ASTANA. Kazinform – Қозоғистонлик боксчи Мейирим Нурсултанов (18-0, 10 КО) эртага, 15 апрель куни навбатдаги жангини ўтказади, деб хабар беради Kazinform Sports.kzга таяниб.

Инчхондаги (Жанубий Корея) бокс мусобақасининг асосий жангида қозоғистонлик боксчи мағлубиятга учрамаган япониялик Кадзуто Такесако (15-0, 14 КО) билан жанг қилади. Икки боксчи Нурсултановнинг ўрта вазн тоифасида WBO International йўналиши бўйича чемпионлик унвони учун кураш олиб боради.

Иккала рақиб ҳам жанг олдидан вазн ўлчаш маросимидан ўтди.

М. Нурсултанов бундан аввал 2022 йил октябрь ойида Люблинда (Польша) аргентиналик Марсело Эстебан Косересга (31-5-1, 17 КО) қарши жанг ўтказиб, ғалаба қозонган эди.

Такесакога келсак, у ноябрь ойида Токиода жанубий кореялик Гюн Мо Юни (8-8-3, 1 КО) учинчи раундда нокаутга учратган.

Фото: sports.kz