Майами турнири: Путинцева дунёнинг 15-ракеткасини мағлуб этди

MIAMI. Kazinform – Қозоғистоннинг иккинчи, дунёнинг 68-ракеткаси Юлия Путинцева Майамида (АҚШ) WТА 1000 турнирининг учинчи босқичига йўл олди.

Қозоғистонлик теннисчи иккинчи даврада дунё рейтингида 15-ўринда бораётган россиялик Людмила Самсонова билан тўқнаш келди.

Биринчи партияда Ю.Путинцева ғалаба қозонди – 6:1.

Иккинчи сетда россиялик спортчи 3:1 ҳисобида олдинга чиқиб олди, бироқ Юлия ҳисобни тенглаштирди – 3:3. Ҳисоб 4:4 бўлганида Самсонова брейкга эришди - 6:4.

Учинчи, ҳал қилувчи ўйинда, ҳисоб 3:2 бўлганида, Путинцева брейк қилди ва кейин геймни қўлга киритди – 5:2. Тўпни ўйинга узатганида ҳам ўз имкониятини қўлдан бой бермади - 6:3.

Икки соату 23 дақиқа давом этган баҳсда Путинцева 14 та брейк-пойнтдан 6 тасини ва 2 та эйсни ишлатди. Самсонова 1 эйс, 3 брейк (6 брейк-пойнт) билан ажралиб турди.

Юлия Путинцева 1/8 финалга чиқиш учун дунё рейтингида 79-партияси, бельгиялик Гретье Миннен билан беллашади. У иккинчи даврада дунё рейтингида 40-ўринни эгаллаб турган украиналик Леся Цуренкони 7:5, 6:1 ҳисобида мағлуб этди.