Маркетплейслар қозоқ тилида хизмат кўрсатиши шарт - Савдо вазирлиги
ASTANА. Кazinform - Қозоғистонда маркетплейслар ва сотувчилар қозоқ тилида хизмат кўрсатишга мажбур. Бу ҳақда ҚР Савдо ва интеграция вазири Арман Шаққалиев маълум қилди.
Бугун Мажилис ялпи мажлисида “Истеъмолчилар ҳуқуқларини ҳимоя қилиш тўғрисида”ги қонун лойиҳаси муҳокамаси чоғида депутат Ринат Заитов қозоқ тилида хизмат кўрсатишда муаммо борлигини айтиб, бу масалани тегишли қонун билан тартибга солишни таклиф қилди.
Палата мажлисидан кейинги матбуот анжуманида вазирлик раҳбари мазкур мавзу юзасидан изоҳ берди.
“Депутат истеъмолчиларга тўлиқ сифатли хизмат кўрсатиш масаласини кўтарди ва шу нуқтаи назардан унинг айтганлари ўринлидир. Биз тил чекловлари ёки камситишларга йўл қўймаймиз. Хусусан, электрон тижоратда айримлари ўз она тилида хизмат кўрсатмайди, натижада мижоз ундан фойдалана олмайди. Шу билан бирга, нега одамлар азоб чекиши керак?! Одамлар аниқ ва ишончли маълумотларга муҳтож. Шу муносабат билан биз тилга оид конституциявий позиция, қонунчилик талабларини ҳаётга татбиқ этиш масаласига алоҳида эътибор қаратмоқдамиз. Бу, ўз навбатида, маркетплейслар ҳам ва бошқа хизматларга ҳам тааллуқлидир”, — деди Арман Шаққалиев журналистлар саволларига жавоб берар экан.
