Манғистаудаги Отпан тоғида "Бирлик олови" ёқилди
AQTAU. Kazinform – 14 март – Амал (Ҳамал) куни муносабати билан манғитауликлар “Адай ата – Отпан тау” тарихий-маданий мажмуасида йиғилиб, кўришди (Қозоқ халқида Амал байрамида кўришиш, соғлиқ-саломатлик сўрашиш – қадимий ўзига хос анъана – таҳр.).
Байрам тадбирларини ташкил этиш қўмитаси аъзоси Риза Суйиндикнинг айтишича, икки кун давомида йигирмадан ортиқ тадбир ўтказиш режалаштирилган.
“Отпан тоғида 58 та ёғоч уй (кигиз уй) қурилган. 10 000 га яқин одамни қарши олиш мумкин. Амал байрамини кўриш учун Қозоғистоннинг турли бурчакларидан меҳмонлар келишади. Шунингдек, байрам тадбирида Озарбайжон, Туркия, Ўзбекистон ва Туркманистондан хонандалар келишди. Вилоят рассомларининг “Амалнинг оқ тонги” деб номланган янги пленэрининг тантанали очилиш маросими бўлиб ўтди. Театрлаштирилган саҳна кўриниши намойиш этилди, “Бирлик олови” ёқилди”, – дейди Риза Суйиндик.
Амал байрамига махсус келган меҳмонлар бу йилги тадбирлар юқори савияда ташкил этилганини таъкидладилар.
“Амал байрами учун Манғистау вилоятига махсус келдим. Илгари телевизорда кўрган бўлсак, бугун ўзим гувоҳман. Отпан тоғига чиқиб, Адай ота мақбарасини зиёрат қилдик. Одамларнинг кайфияти яхши. Жуда юқори даражада ташкиллаштирилган. Байрам билан табриклайман! Юртимиз тинч бўлсин!”, – дейди Ақтўбе шаҳридан келган меҳмон Салтанат Агисова.
Хорижлик меҳмонлар ҳам манғистауликларни Амал куни билан табриклади.
“Бутун қозоқ халқи қатори Манғистау вилояти учун ҳам алоҳида байрам бўлган Амал байрамида иштирок этиш мен учун катта шарафдир. Одамларнинг меҳмондўстлиги, илиқ кутиб олишлари кўнгилни қувонтиради. Миллий кийимдаги оломоннинг бир-бирлари билан қўл бериб кўришишлари гўзал манзара. Барча қозоғистонликларни Амал байрами билан табриклайман!”, – дейди Ўзбекистон Республикасидан келган санъаткор Роза Ражапова.
Амал байрами доирасида миллий спорт турлари бўйича қозоқ кураши, туя полвон, тўғизқумалак, ўчоқ пойгаси, от пойгаси, тази итлар пойгаси режалаштирилган.
Шунингдек, Мурат Ўскинбоев номидаги Манғистау вилоят филармонияси санъаткорлари ҳамда Туркия, Озарбайжон, Ўзбекистон, Қирғизистон хонандалари иштирокида гала-концерт бўлиб ўтди.
