Лицензион турнир: Асланбек Шимбергенов рақибини техник нокаут билан енгди

ASTANА. Кazinform - Бугун Италиянинг Бусто-Арсицио шаҳрида бокс бўйича лицензион турнирда Қозоғистон терма жамоаси сардори Асланбек Шимбергенов рақибини техник нокаут билан мағлуб этди.

Асланбек Шимбергенов
Фото: Olympic.kz

Аниқроғи, 71 кг вазн тоифасида жаҳон чемпиони Асланбек Шимбергенов илк рақиби фин боксчиси Сэм Мороватини 2-раундда техник нокаут эвазига мағлуб этди. Энди Асланбек навбатдаги учрашувини 7 март куни ўтказади.

Эслатиб ўтамиз, аёллар ўртасидаги баҳсларда 60 кг вазн тоифасида мамлакат шарафини ҳимоя қилаётган Волосенко иккинчи жангида венгриялик Петра Сабони мағлубиятга учратган эди.

Ушбу турнирда эркаклардан олти нафар, аёллардан беш нафар қозоғистонлик боксчи Париж Олимпиадаси йўлланмаси учун курашмоқда.

Лицензион турнирда 28 нафар эркаклар ва 21 нафар аёллар ўртасидаги йўлланмалар ўйналади.

Турнир 3-12 март кунлари бўлиб ўтади.

Сўнгги хабарлар