КВИ: Вакциналар бир йилда 20 миллион ўлимдан сақлаб қолди - тадқиқот

NUR-SULTAN. Kazinform – Эмлашнинг биринчи йилида – 2020 йил 8 декабрдан 2021 йил 8 декабргача бўлган даврда иккита вакцина кўплаб инсонларнинг ҳаётини сақлаб қолди. AstraZeneca вакцинаси 6,3 миллионга яқин одамнинг, Pfizer/BioNTech вакцинаси эса 5,9 миллион кишининг ҳаётини сақлаб қолган, дея хабар беради Kazinform.

Қозоғистон COVID-19 тарқалишига қарши кураш комиссияси хабарига кўра, Лондон Империал коллежининг пандемия давридаги ортиқча ўлим ҳолатлари бўйича тадқиқот натижаларини таҳлил қилган. Коллеж олимлари 2020 йил декабридан 2021 йил декабригача вакциналар туфайли 20 миллион кишининг ҳаётини сақлаб қолиш мумкинлигини айтмоқда.

Колледж тадқиқотларига асосланган Airfinity технологик компанияси мутахассислари қайси вакциналар энг самарали эканлигини аниқлашга қарор қилишди. Айрим мамлакатлардаги ўлимлар сони бўйича тадқиқот маълумотларини ҳисобга олган ҳолда, Airfinity мутахассислари ушбу мамлакатларда қайси ишлаб чиқарувчилар вакциналардан фойдаланганини аниқладилар.

Уларнинг ҳисоб-китобларига кўра, Sinovac вакцинаси пандемия даврида сақланиб қолган ҳаётлар сони бўйича учинчи ўринда туради, бу 2 миллиондан ортиқ одамнинг ҳаётини ташкил этади. Moderna вакцинаси 1,7 миллион кишининг ҳаётини сақлаб қолган. Бир миллион кишининг ҳаётини сақлаб қолган Sinopharm вакцинаси ҳам кучли бешликдан жой олди. Airfinity ҳисоб-китобларига кўра, Россиянинг Спутник V вакцинаси 940 000 га яқин одамни ҳимоя қилган.