Қурбон ҳайити байрами 6 июнь куни бошланади – ҚМДБ

ASTANA. Kazinform – Қозоғистон мусулмонлари диний бошқармаси раиси Науризбай Хожи Тағанули бу йил мамлакатда Қурбон ҳайит байрами қайси кундан бошланишини маълум қилди.

“Бу йил муқаддас Қурбон ҳайити 6 июнь куни бошланади. Қозоғистон мусулмонлари диний бошқармаси бир қатор мусулмон давлатларининг олимлари ва фатво бериш марказлари билан маслаҳатлашганидан сўнг шундай фатво қабул қилди”, – деди Бош муфтий ҚМДБда бўлиб ўтган матбуот анжуманида.

Шунингдек, у бу байрам қозоқ халқи анъаналарида алоҳида ўрин тутишини таъкидлади.