ҚР Ҳукумати экин экиш арафасида ички бозорни ёқилғи билан таъминлаш чора-тадбирларини кўриб чиқди

ASTANA. Kazinform – ҚР Бош вазири Алихан Смаилов раислигида ўтган йиғилишда Қозоғистоннинг ички бозорини ёқилғи-мойлаш материаллари билан таъминлаш масалалари муҳокама қилинди. Бу ҳақда Kazinform Ҳукумат расмий сайтига таяниб хабар беради.

Хусусан, экин экиш арафасида ички бозорни нефт маҳсулотлари билан тўлдириш, воситачилик схемаларига йўл қўймаслик, умумий савдо шаффофлигини ошириш чора-тадбирлари кўриб чиқилди.

Муҳокамада ҚР Энергетика вазирлиги, «Самруқ-Қазна» АЖ ва «ҚазМунайГаз» миллий компанияси раҳбарлари иштирок этди.

Бош вазир ишлаб чиқарувчилар томонидан ички бозорга ёқилғи-мойлаш материалларини узлуксиз етказиб бериш, ҳар қандай вазиятга тезкорлик билан муносабатда бўлиш мақсадида захиралар ва сотишни мунтазам мониторинг қилиш зарурлигига эътибор қаратди.

Фото: primeminister.kz