ҚР Президентнинг таклифига биноан Владимир Путин давлат ташрифи билан Қозоғистонга келади

ASTANA. Kazinform – Россия Федерацияси Президенти Владимир Путин Қасим-Жомарт Тоқаевнинг таклифига биноан 27 ноябрь куни давлат ташрифи билан Қозоғистонга келади.

Ташриф доирасида олий даражадаги музокаралар ўтказилади. Давлат раҳбарлари Қозоғистон ва Россиянинг ХХ Минтақалараро ҳамкорлик форумида видеоконференция режимида иштирок этадилар.

28 ноябрь куни Қозоғистон Президенти Қасим-Жомарт Тоқаев раислигида КХШТ Коллектив хавфсизлик кенгашининг навбатдаги мажлиси бўлиб ўтади. Учрашувда минтақавий ва халқаро хавфсизликнинг асосий масалалари муҳокама қилинади. Йиғилиш якунларига кўра, бир қатор ҳужжатлар имзоланади.