ҚР Президенти Зулфия Сулейменовани қабул қилди

Қасим-Жомарт Тоқаев Қозоғистон Республикаси Президентининг маслаҳатчиси – Президентнинг халқаро экологик ҳамкорлик бўйича махсус вакили Зулфия Сулейменовани қабул қилди, деб хабар беради Kazinform ХАА Ақорда матбуот хизматига таяниб.

Учрашувда Давлат раҳбари махсус вакилга келгуси тадбирлар, хусусан, жорий йил ноябрда ўтказилиши режалаштирилган Иқлим ўзгариши бўйича БМТ доиравий Конвенцияси иштирокчиларининг 28-конференцияси ва 2026 йилда БМТ доирасида ўтказиладиган иқлим бўйича Минтақавий саммитга тайёргарлик кўриш бўйича қатор аниқ вазифаларни юклади.

Президент, шунингдек, хорижлик ҳамкорлар билан ҳамкорликни кучайтириш, жумладан, иқтисодиётни карбонсизлантириш ва ҳавога чиқариладиган метан миқдорини камайтириш йўналишларида ҳам ҳамкорликни кучайтириш муҳим эканини таъкидлади.