ҚР Президенти Венгрия ташқи ишлар вазири Петер Сийяртони қабул қилди
ASTANA. Kazinform – Қасим-Жомарт Тоқаев Астана шаҳрига расмий ташриф билан келган Венгрия ташқи иқтисодий алоқалар ва ташқи ишлар вазири Петер Сийярто билан учрашди. Бу ҳақда Ақорда матбуот хизмати хабар берди.
Давлат раҳбари Қозоғистон ва Венгрия ўртасидаги стратегик шериклик муносабатлари юксак даражада эканини таъкидлади. Шунингдек, у олий даражадаги сиёсий мулоқотни узлуксиз ривожлантириш ва ҳукуматлараро ҳамкорликни фаол ривожлантиришга эътибор қаратди.
ҚР Президенти ўтган йили Будапештга давлат ташрифи чоғида имзоланган келишувлар ўз даражасида амалга оширилаётганидан мамнунлигини билдирди.
Қасим-Жомарт Тоқаевнинг таъкидлашича, мазкур келишувларнинг амалга оширилиши ҳар томонлама ҳамкорликни янада чуқурлаштиришга хизмат қилмоқда. Давлат раҳбари Венгрия Бош вазири Виктор Орбанга самимий тилакларини йўллади.
Петер Сийярто Қасим-Жомарт Тоқаевга Венгрия Бош вазирининг саломини етказди. Венгрия ташқи ишлар вазири Астанага ташрифи чоғида соҳа вазирликлари ва идоралари билан юқори даражада эришилган келишувларнинг турли жиҳатларини амалга ошириш масалаларини муҳокама қилишини айтди.
Учрашувда икки томонлама кун тартибининг бир қатор долзарб масалалари муҳокама қилинди. Савдо-иқтисодий ва сармоявий, энергетика ва банк соҳаларида ўзаро манфаатли алоқаларни кенгайтиришга ҳам алоҳида эътибор қаратилди.
Бундан ташқари, Қасим-Жомарт Тоқаев ва Питер Сийярто муҳим халқаро муаммолар юзасидан фикр алмашдилар.
Учрашув якунида Президент Қасим-Жомарт Тоқаев Қозоғистон-Венгрия муносабатларини ривожлантиришга қўшган ҳиссаси учун Петер Сийяртони ІІ даражали “Достық” ордени билан тақдирлади.
Эслатиб ўтамиз, Венгрия президенти расмий ташриф билан Қозоғистонга келиши ҳақида ёзган эдик.
