ҚР Президенти сайловини кузатиш учун 15 та мамлакатнинг МСК раислари келади
– Сайловолди ташвиқоти бошланганидан буён Марказий сайлов комиссиясининг 25 та мажлиси бўлиб ўтди, улар ҳудудий сайлов комиссиялари, ваколатли давлат органлари вакиллари, шунингдек, оммавий ахборот воситалари вакиллари иштирокида онлайн тарзда ўтказилмоқда. Жонли трансляциялар мавжуд. Барча учрашувларга халқаро кузатувчилар таклиф этилади. Биринчи бўлиб аккредитациядан ўтиш учун дипломатик корпус раҳбари, Фаластиннинг Қозоғистон Республикасидаги Фавқулодда ва Мухтор Элчиси Монтасир Абузейд ариза топширди. Венгрия, Германия, Индонезия, Канада, АҚШ, Туркия, Финляндия, Франция, Швеция, Эстония каби давлатларнинг элчилари, шунингдек, Арманистон, Беларусь, Буюк Британия, Ироқ, Эрон, Хитой, Қирғизистон, Нидерландия, Россия Федерацияси ва Таиланд элчихоналари ходимлари аккредитациядан ўтган», - деди Марказий сайлов комиссияси раиси хорижий дипломатик корпус вакиллари учун ўтказилган брифингда.
Унга кўра, икки томонлама ҳамкорлик орқали сайловни кузатиш учун 15 та мамлакат Марказий сайлов комиссиялари вакиллари, жумладан, Озарбайжон, Арманистон, Қирғизистон, Тожикистон, Туркманистон ва Ўзбекистон Марказий сайлов комиссиялари раислари келади.
Аввалроқ Қозоғистон Республикаси Бош вазирининг ўринбосари – Қозоғистон Республикаси Ташқи ишлар вазири Мухтор Тлеуберди ва Марказий сайлов комиссияси раиси Нурлан Абдиров хорижий дипломатик корпус вакиллари учун Ўзбекистон Республикаси Президенти сайловига тайёргарлик кўриш жараёнига бағишланган матбуот анжумани ўтказгани ҳақида хабар берилган эди.
Сайлов 20 ноябр куни бўлиб ўтади.
Муаллиф: Арайлим Мурат
