ҚР Президенти Рақамли ривожланиш, инновациялар ва аэрокосмик саноат вазирини қабул қилди

Тоқаев
Фото: Ақорда

ASTANА. Кazinform - Давлат раҳбари ҚР Рақамли ривожланиш, инновациялар ва аэрокосмик саноат вазири Жаслан Мадиевни қабул қилди, дея хабар беради Ақорда матбуот хизмати.

Президентга вазирликнинг жорий фаолияти ва иш режаси ҳақида маълумот берилди. Жаслан Мадиевнинг сўзларига кўра, давлат бошқаруви ва бошқа соҳаларни рақамли трансформация қилишнинг институционал асослари шакллантирилган. Реинжиниринг мажбурияти қонун билан тасдиқланиб, 600 дан ортиқ бизнес-жараён қайта кўриб чиқилди. Шунингдек, GovTech платформаси ёндашуви орқали рақамли трансформация жараёни бошланди.

Қасим-Жомарт Тоқаевга сунъий интеллектни жорий этиш ва AI-driven government экотизимини яратиш йўллари ҳақида маълумот берилди.

Шу билан бирга, давлатимиз раҳбарига мамлакатимиз IT-компанияларининг экспорт бозорларига чиқиш истиқболлари ҳақида маълумот берилди.

Учрашув якунида Давлат раҳбари давлат бошқарувини сифат жиҳатидан рақамлаштириш, халқаро IT гигантлари билан ҳамкорликни жонлантириш, иқтисодиётнинг турли тармоқларида сунъий интеллектни янада ривожлантириш бўйича қатор топшириқлар берди.

Сўнгги хабарлар