ҚР Президенти Осиё ҳамкорлик ва ишонч кенгаши котибияти директорини қабул қилди
Президентга Осиёда ўзаро ҳамкорлик ва ишонч чоралари кенгаши котибиятининг жорий фаолияти ҳақида маълумот берилди. Кенгашнинг 12-13 октябр кунлари Қозоғистон пойтахтида бўлиб ўтадиган VI Саммитига тайёргарлик ишларига алоҳида эътибор қаратилди.
Учрашувда Кенгашни Осиёдаги ҳамкорлик бўйича тўла ҳуқуқли халқаро ташкилотга айлантириш истиқболлари муҳокама қилинди. Бу муҳим вазифани амалга ошириш Қозоғистон раислигининг устувор йўналиши ҳисобланади.
Қайрат Сарибай Қасим-Жомарт Тоқаевга саммит арафасида Кенгашга аъзо давлатлар ташқи ишлар вазирлари билан ўтказган учрашувлари ҳақида гапириб берди.
Дипломат, шунингдек, Ташкилотнинг иқтисодий йўналишини жонлантириш масалаларига тўхталиб ўтди ва июнь ойида «Astana Financial Days» халқаро конференцияси доирасида ОҲИЧК Ишбилармонлар кенгаши йиғилиши ва бизнес форумини ўтказиш режасини қўллаб-қувватлагани учун Президентга миннатдорлик билдирди.
Давлат раҳбари Қозоғистоннинг Кенгашдаги раислигининг устувор йўналишларини самарали амалга ошириш муҳимлигини таъкидлади. Шунингдек, бўлажак саммит якунлари бўйича қабул қилинадиган якуний ҳужжат лойиҳасини пухта ишлаб чиқиш зарурлигини таъкидлади.
