ҚР Президенти номидан давлат оммавий ахборот воситалари ходимларига хонадон сертификатлари топширилди

ASTANА. Кazinform – Бугун ОАВ ходимлари, журналистлар ва мамлакатнинг етакчи давлат оммавий ахборот воситаларида фаолият юритаётган бошқа ходимларга тантанали равишда хонадон сертификатлари топширилди, деб хабар беради Каzinform.

Давлат раҳбарининг топшириғига кўра Президент матбуот котиби Руслан Желдибай «Qazaqstan» РТРК» АЖ, «Хабар» агентлиги, Қозоғистон Республикаси Президенти Телерадиокомплекси, «Qazcontent» АЖ ва «Қазақ газеттері» МЧЖ ходимларига хонадон калитларини топширди.

Ҳамкасбларини байрам билан табриклар экан, улар маҳаллий журналистика ривожига катта ҳисса қўшаётганини таъкидлади. Давлат раҳбари мамлакат оммавий ахборот воситаларининг рақобатбардошлигини ошириш масаласига ҳам алоҳида эътибор қаратаётганини таъкидлади. Шу боис Президент мамлакат оммавий ахборот воситалари ходимларини қўллаб-қувватлашга қарор қилганини айтди.

Шу билан бирга, ОАВ ходимларини Ахборот ва жамиятни ривожлантириш вазири Дархан Қидирали, «Дара» жамғармаси раҳбари Асел Шилдебаева ва «Халқ» хайрия жамғармаси директори Сағинбек Шункеевлар табриклади.

Квартира сертификатини олгган ОАВнинг 65 нафар ходими тез орада пойтахтдаги янги қурилган кўп қаватли уйлардан бирига жойлашади.

ОАВ ходимларининг беқиёс меҳнатига бағишланган тадбир Президент ташаббуси билан «Дара» жамғармаси ва «Халқ» хайрия жамғармаси ҳамкорлигида ташкил этилди.

2022 йилда ташкил этилган «Дара» Президент ташаббуслари фонди фаолияти Қозоғистонда бунёдкорлик соҳасини ривожлантириш, фуқароларнинг ижодий салоҳиятини рўёбга чиқариш учун қулай шарт-шароитлар яратиш, янги иш ўринлари очишга қаратилган.