ҚР Президенти Қосши шаҳридаги мактаб-гимназия билан танишди
ASTANA. Kazinform – ҚР Президенти Қасим-Жомарт Тоқаевнинг Ақмола вилоятига амалий ташрифи Қосши шаҳридаги 1500 ўринли мактаб-гимназия билан танишишдан бошланди.
Қосши шаҳрининг янги туманида жойлашган мактаб “Болат Ўтемуратов жамғармаси” хусусий сармояси ҳисобидан қурилган бўлиб, маҳаллий таълим бошқармаси тасарруфида.
“Қўлай мактаб” миллий лойиҳаси стандартлари асосида қурилган ўқув масканида айни пайтда 2 минг 700 нафар бола икки сменада таҳсил олмоқда. Мактабда 280 ўринли мажлислар зали, 360 ўринли ошхона, 2 та спорт зали, информатика, кимё, физика, биология, технология, мусиқа кабинетлари мавжуд.
Мактаб директори Дидар Асқарованинг сўзларига кўра, ўқувчилар нафақат таълим олиши, балки спортнинг шахмат, тоғизқумалак, дартс, рақс, хор, фортепиано, дўмбра каби спорт секциялари ва тўгаракларида қатнашишлари мумкин.
Давлат раҳбари робототехника, мобилография, автомобиль ҳайдашни виртуал ўрганиш, чет тиллари кабинетлари, мактаб кутубхонасини бориб кўрди, ўқитувчи ва ўқувчилар билан суҳбатлашди.
“Агар Қозоғистон илғор давлат бўлишини истасак, робототехника каби йўналишларни ўрганишимиз керак. Бу жуда зарур. Фарзандларимиз ҳамиша билимли бўлсин”, – деди Қасим-Жомарт Тоқаев.
Президент жамоага муваффақият тилади ва мактабга ўзининг «Әке туралы ой-толғау» китоби ва Қозоғистонда ишлаб чиқарилган автобусни совға қилди.
