ҚР Президенти: Кичик ва ўрта бизнес 6 ой иш ҳақидан ушланадиган даромад солиғидан озод қилинади

NUR-SULTAN. Kazinform – Қозоғистон Президенти Қасим-Жомарт Тоқаев фавқулодда ҳолатларда тадбиркорларга кўрсатилаётган ёрдам ҳақида гапириб берди, дея хабар беради Kazinform мухбири.

«Биз кичик ва ўрта бизнесни қўллаб-қувватлаш бўйича мисли кўрилмаган чораларни кўрдик. Тадбиркорлар ёрдамга муҳтож. Чунки улар бизнинг иқтисодиётимизнинг таянчидир», - деди Президент телевидение орқали Қозоғистон халқига қилган мурожаатида.

Ҳокимлар камида 6 ой давомида маҳаллий корхоналар маҳсулотларини кафолатли сотиб олишни йўлга қўйиши керак.

«Кичик ва ўрта бизнес субъектларини жорий йилнинг 1 октябригача иш ҳақи фондидан ушлаб қолинадиган даромад солиғидан озод қилишни буюраман. Бундай ёрдам савдо, транспорт, меҳмонхоналар, сайёҳлик ва бошқа соҳаларни ўз ичига олади», - деди Президент.

Муаллиф: Айжан Серикжанқизи