ҚР Президенти Ақтўбе шаҳридаги пўлат қувурлар ишлаб чиқарувчи завод фаолияти билан танишди

ASTANA. Kazinform – Корхонада йилига 20 минг тонна маҳсулот ишлаб чиқарилади. Қиймати 3,5 миллиард тенге бўлган объект жорий йилнинг июль ойида фойдаланишга топширилди, деб хабар беради Ақорда матбуот хизмати.

Завод таъсисчиси Мирғали Бурбаевнинг айтишича, ишлаб чиқариш майдончасида қувур ва металл буюмлар тайёрлаш мосламалари ишга туширилган.

Президентга заводни ривожлантиришнинг истиқболли режаси тақдим этилди. Келгусида корхона ишлаб чиқарилаётган маҳсулот турларини кўпайтириш, цехлар қувватини ошириш ниятида.

Бунгача Президент Хромтау шаҳридаги 1-cонли ўрта мактабига ташрифи ҳақида ёзган эдик.