ҚР МОҚ вакиллари Харбин қишки Осиё ўйинларига тайёргарлик семинарида иштирок этди
ASTANА. Кazinform - Харбин шаҳрида (Хитой) 2025 йилги қишки Осиё ўйинларига тайёргарлик бўйича семинар бўлиб ўтди. Унда Осиё Олимпия кенгаши вакиллари иштирок этди.
Семинар давомида бўлажак Осиё ўйинлари ташкилий қўмитасининг ҳар бир бўлими томонидан турнирга тайёргарлик даражаси бўйича ҳисобот тақдим этилди.
“Харбин бир йил аввал Осиё ўйинларини ўтказиш ҳуқуқини олган бўлса-да, спорт иншоотлари аллақачон спортчиларни қабул қилишга тайёр. Ташкилий қўмита таркибига 2022 йилги Пекин Олимпиадаси ва 2022 йилги Ханчжоудаги Осиё ўйинларида ишлаган кишилар киради. Осиё ҳар доим комплекс мусобақаларга юқори савияда мезбонлик қилади. Шундай экан, 2025 йилда Харбин шаҳрида бўлиб ўтадиган қишки Осиё ўйинларининг ташкилий ишлари муаммосиз ўтишига ишончимиз комил. Ташкилий қўмита билан ҳар куни алоқадамиз, чунки маълумотлар доимий равишда янгиланиб туради”, — деди Бектур Қиятбай.
Семинардан ташқари, ҚР МОҚ ходимлари алоҳида йиғилиш ўтказдилар, унда ташкилий масалалар, хусусан, асосий муддатлар, логистика, турар жой шароитлари, юк ташиш ва спорт анжомларини рўйхатга олиш масалалари муҳокама қилинди.
Эслатиб ўтамиз, Харбин иккинчи бор Осиё ўйинларига мезбонлик қилиш ҳуқуқига эга. 2025 йилги мусобақа 7-14 февраль кунлари бўлиб ўтади. Спортчилар 12 спорт тури бўйича 64 та медаллар жамланмаси учун кураш олиб борадилар.
