Қозоғистонннг қайси ҳудудида аёл-қизлар кўп

ASTANА. Кazinform — Қозоғистонда аёллар сони 10 381 377 нафарни ташкил этади, бу мамлакат умумий аҳолисининг 51,1 фоизини ташкил қилади. Сўнгги ўн йилда аёллар сони 15,2 фоизга ошди. Аёлларнинг 64,4 фоизи шаҳарларда, 35,6 фоизи қишлоқларда истиқомат қилади.

— Аёллар сони бўйича Алмати ҳудудлар орасида етакчи — 1,2 миллион аёл. Иккинчи ўринда 1 миллион аёл билан Туркистон вилояти, учинчи ўринда эса 803 минг аёл-қизлари бор Астана жойлашган, — дея хабар беради Миллий статистика бюроси.

Сўнгги ўн йил ичида аёллар сонининг энг юқори ўсиши пойтахтда кузатилди — 82,1 фоиз. Алматида аёллар сони 37,5 фоизга, Манғистау вилоятида эса 32,5 фоизга ошган.

Аёл-қизларнинг 3,3 миллион нафари 18 ёшгача, 5,3 миллион нафари 18 ёшдан 60 ёшгача бўлганлар, 1,7 миллион нафари эса 60 ёшдан ошганлар ташкил қилади.

Бугунги кунда турли соҳаларда 4,4 миллион аёл-қизлар меҳнат қилмоқда, уларнинг асосий қисми таълим, савдо, соғлиқни сақлаш соҳаларида меҳнат қилмоқда.

Эслатиб ўтамиз, аввалроқ ҚР Президенти бир қатор аёлларни мукофотлагани ҳақида хабар берган эдик.