Қозоғистоннинг энг яхши теннисчиси АҚШдаги турнир финалига йўл олди

NUR-SULTAN. Kazinform – Қозоғистонлик теннисчи Александр Бублик (ATP рейтингида 42-ўрин) Ньюпортдаги (АҚШ) турнирнинг финалига чиқди, дея хабар бермоқда Kazinform Sports.kz порталига таяниб.

Ярим финалда австралиялик Джейсон Кублер (102-ўрин) билан учрашди ва уни икки сетда муаммосиз мағлуб этди – 6:3, 6:2. Финалда Бублик Максим Кресси (41-ўрин) билан тўқнаш келади.

Ньюпорт турнирининг соврин жамғармаси 665 330 долларни ташкил қилади. Ғолиб 90 495 доллар ва 250 рейтинг очкосига эга бўлади. Александр Бублик учун бу йилнинг иккинчи финали бўлади - феврал ойида Монпелье турнирида зафар қучганди.