Қозоғистонликларнинг Россия ҳудудига кириш тартиби ўзгартирилди

NUR-SULTAN. Kazinform – Россия қозоғистонликларга Россия фуқаролиги бор қариндошларига қуруқлик орқали боришга рухсат берди. Бу ҳақда Kazinform Қозоғистоннинг Россиядаги Элчихонасига асосланиб хабар беради.

Россия Федерацияси Ҳукуматининг 18.05.2021 йилдаги №1291-р буйруғига биноан қозоғистонликларнинг Россияга келиши учун Россия фуқаролигига эга бўлган яқин қариндошлар рўйхати кенгайтирилди.

Энди Қозоғистон фуқаролари, агар уларнинг муносабатларини тасдиқловчи ҳужжатлари бўлса, нафақат эрлари, ота-оналари, фарзандлари, балки яқин қариндошлари, ака-укалари, опа-сингиллари, бувилари, боболари ва набираларига ҳам қуруқлик орқали келишлари мумкин.