Қозоғистонликлар Черногориядаги стол тенниси турнирида иштирок этади

ASTANA. Kazinform – Қозоғистон стол тенниси терма жамоаси вакиллари Подгорица (Черногория) шаҳрида бўлиб ўтадиган WTT Youth Star Contender турнирида иштирок этади, дея хабар беради Kazinform ҚР Миллий олимпия қўмитасига таяниб.

Турнир 11 апрелдан 15 апрелгача бўлиб ўтади. Мусобақада Алан Қурманғалиев (Қарағанди, 19 ёшлилар ўртасидаги жаҳон рейтингида 11-ўрин) ва Сарвиноз Мирқадирова (Чимкент, 30-ўрин) чиқиш қилади.

Қозоғистонликлар ўз ёш тоифасининг етакчи спортчилари: Као Ченг-Жуи (Тайбэй, 3-ўрин), Эдуард Ионеску (Руминия, 4-ўрин), Хьюго Дешам (Франция, 6-ўрин), О Жун Сун (Корея, 7-ўрин), Чан Ю-Ан (Тайбэй, 8-ўрин), қизлар Ли Дэун (Корея, 5-ўрин), Павад Притика (Франция, 7-ўрин), Аннетт Кауфманн (Германия, 8-ўрин), Чэн Пусуань (Тайбэй, 9-ўрин), Цинь Юйсюань (Хитой, 11-ўрин) билан куч синашади.

Фото: olympic.kz