Қозоғистонлик теннисчиларнинг Дубай АТР 500 турниридаги рақиблари аниқланди

ASTANА. Кazinform – Дубай АТP 500 турнирида қозоғистонлик теннисчилар Александр Бублик ва Александр Шевченко кимларга қарши ўйнаши аниқланди.

Дунёнинг ўнинчи, турнирнинг 2-ракеткаси А. Бублик биринчи ўйинида саралаш турнири ғолибларидан бири, рейтингда 77-ўринни эгаллаган германиялик Ян-Леннард Штруффга қарши ўйнайди.

Қозоғистонлик теннисчи ўтган ой Роттердамда (Нидерландия) бўлиб ўтган АТР 500 турнирининг иккинчи босқичида немис спортчисини 7:6 (7:2), 4:6, 6:3 ҳисобида мағлуб этди.

Яна бир қозоғистонлик, рейтингда 79-ўринни эгаллаган А. Шевченко саралаш турнири финалида дунёнинг 72-ракеткаси, франциялик Кентен Галига 6:7 (6:8), 5:7 ҳисобида ютқазди. Шунга қарамай, ташкилотчилар А. Шевченкони махсус таклифнома билан асосий тўрга киритдилар.

Қозоғистонлик теннисчи биринчи босқичда дунёнинг 17-ракеткаси, россиялик Карен Хачановга тўқнаш келади.

Дубай турнири 28 февраль куни якунланади ва ғолиб аниқланади.

Эслатиб ўтамиз, Анна Данилина Дубайдаги турнирнинг чорак финалига чиқди.