Қозоғистонлик теннисчилар United Cup турнирида қанча даромад топди
ASTANA. Kazinform - Австралияда бўлиб ўтаётган United Cup турнирида қозоғистонлик теннисчилар шу пайтгача қанча пул ишлаб топгани маълум бўлди.
Мазкур мусобақада Қозоғистон шарафини Елена Рибакина ва Александр Шевченко, шунингдек, Жибек Қуламбаева, Дмитрий Попко, Александр Недовесов ҳимоя қилмоқда.
Е.Рибакина ва А.Шевченко учта учрашув (иккита яккалик, битта жуфтлик) ўтказган бўлса, Ж.Қуламбаева ва А.Недовесов жуфтлик баҳсларида фақат бир марта чиқиш қилди. Д. Попко ўйинга қўшилмади.
Дунёнинг 6-ракеткаси Елена Рибакина бошқаларга қараганда кўпроқ ишлаб топди. Чорак финалгача ҳам у 230 000 (иштирок этиш учун), 85 600 (яккаликдаги иккита ғалаба учун), 8 000 (жуфтлик баҳсларида битта ғалаба учун) ва жамоавий ғалаба учун 11 200 доллар ҳақ олади. Шу тариқа, қозоғистонлик теннисчи Испания ва Грецияни мағлуб этгани учун 334,8 минг доллар ёки 175 миллион тенге даромад топди.
Бошқа қозоғистонликларнинг даромади қуйидагича:
- Александр Шевченко - 96,5 минг доллар (34,5 + 50,8 + 11,2) - 50 миллион тенге;
- Жибек Қуламбаева - 29,7 минг доллар (10,5 + 8 + 11,2) - 15,5 миллион тенге;
- Александр Недовесов - 35,7 минг доллар (16,5 + 8 + 11,2) - 18 миллион тенге;
- Дмитрий Попко - 26,75 минг доллар (15,75 + 11,20) - 14 миллион тенге.
Гуруҳ баҳсларида теннисчилар яккалик баҳсларида ғалаба қозониш учун 42 800 доллар, аралаш жуфтлик ғолиблиги учун 8 000 доллар, жамоавий ғалаба учун яна 5 600 доллар оладилар.
