Қозоғистонлик теннисчи Римдаги турнирнинг финалига чиқди

ASTANA. Kazinform – Қозоғистонлик теннисчи Андрей Голубев Рим челленджер турнирининг жуфтлик баҳсларида финалга чиқди, деб хабар беради Kazinform мухбири.

Қозоғистонлик теннисчи украиналик Денис Молчанов билан биргаликда ярим финалда ушбу мусобақанинг биринчи ракеткалари франциялик Садио Думбия ва Фабьен Рубель билан учрашиши керак эди.

Бироқ уларнинг рақиблари келмади ва Қозоғистон-Украина жуфтлиги ўйнамай финалга йўлланма олди.

А. Голубев ва Д. Молчанов сўнгги баҳсда турнирнинг иккинчи ракеткалари колумбиялик Николас Баррьентос ва португалиялик Франсишку Кабраль билан бош соврин учун кураш олиб боради.

Муаллиф: Ғайсағали Сейтақ