Қозоғистонлик теннисчи Марсель турнирида ўтган йилги финалчини мағлуб этди

ASTANА. Кazinform - Қозоғистоннинг иккинчи, жаҳоннинг 56-ракеткаси Александр Шевченко Марселда (Франция) ўтказилаётган АТP 250 турнирининг иккинчи босқичига йўл олди.

Шевченко
Фото: спортчининг Instagramдаги саҳифаси

Яқинда Қозоғистон фуқаролигини олган А.Шевченко биринчи даврада дунё рейтингида 126-ўринни эгаллаб турган франциялик Бенжамин Бонзи билан тўқнаш келди.

Қарийб бир ярим соат давом этган баҳсда қозоғистонлик спортчи 7:6 (7:4), 6:4 ҳисобида ғалаба қозонди. У учрашув давомида 3 та брейк-пойнтдан 2 тасини ва 7 та эйсни қайд этди. Рақиб 6 та эйс, 1 та брейкдан (4 брейк) ошиб кета олмади.

7 февраль куни Александр Шевченко чорак финалга чиқиш учун жаҳоннинг саккизинчи ва ушбу мусобақанинг биринчи ракеткаси польшалик Хуберт Хуркач билан куч синашади.

Соврин жамғармаси 724 015 еврога баҳоланган мусобақа 11 февраль куни якунланади.

Ўтган йили ушбу турнир финалида Х.Хуркач Б.Бонзини 6:3, 7:6 (7:4) ҳисобида мағлуб этганди.

Эслатиб ўтамиз, аввалроқ Жибек Қуламбаева Ҳиндистондаги турнирда чорак финалга чиққани ҳақида хабар берган эдик.

Сўнгги хабарлар