Қозоғистонлик тадбиркор аёллар Туркияда ўтказилган бизнес-форумда иштирок этди

ISTANBUL. Kazinform – ҚР Президенти ҳузуридаги Хотин-қизлар ишлари ва оилавий-демографик сиёсат бўйича миллий комиссия раиси Лаззат Рамазанова бошчилигидаги делегация Истанбулда бўлиб ўтган Туркий давлатлар савдо-саноат палатаси бизнес-форуми ва тадбиркор аёллар қўмитасининг биринчи йиғилишида иштирок этди, деб хабар беради Kazinform.

Делегация таркибида Қозоғистон вилоятларидан келган ишбилармон аёллардан иборат. Форум Туркий тилли давлатлар ҳамкорлик кенгашининг VIII саммити доирасида Туркий тилли давлатлар Савдо-саноат палатаси Бош ассамблеяси ва Туркия Ҳукумати томонидан ташкил этилмоқда.

Форумда Лаззат Рамазанова минтақавий ва халқаро миқёсда туркий халқлар манфаатларини илгари суришда Қозоғистон тинчлик ва тотувлик меъёрларига амал қилишини таъкидлади.

Миллий комиссия раисининг сўзларига кўра, ўтган йилнинг ўзида Қозоғистон ва Туркия ўртасидаги товар айирбошлаш ҳажми 3 миллиард долларга етган бўлса, 2021 йилнинг январ-август ойларида бу кўрсаткич 2,5 миллиард долларни ташкил этган. Лойиҳалар инфратузилма, соғлиқни сақлаш, машинасозлик, кончилик, металлургия, кимё ва енгил саноатни қамраб олади. 2005-2021 йилларда Туркиядан Қозоғистон иқтисодиётига киритилган тўғридан-тўғри сармояларнинг умумий ҳажми 4,8 миллиард долларни ташкил этди. Қозоғистон иқтисодиётига киритилган сармоянинг ўсиш суръати бўйича Туркия АҚШ ва Швейцариядан кейин учинчи ўринда туради.

Тадбир давомида форум иштирокчилари ўзаро тажриба алмашишди, ижтимоий-иқтисодий ва гуманитар масалалар, шунингдек, аёлларнинг имкониятларини кенгайтириш йўллари, туркий тилли давлатлар ҳамкорлиги доирасида халқаро ва минтақавий ташаббусларни шакллантиришда аёлларнинг роли ҳақида фикр алмашдилар.