Қозоғистонлик шахматчи халқаро турнирда совриндор бўлди
ASTANА. Kazinform - Қозоғистонлик гроссмейстер Қазибек Нўгербек Франциянинг Канн шаҳрида бўлиб ўтган шахмат бўйича Festival International des Jeux 2025 халқаро турнирида бронза медали совриндори бўлди.
Аниқроқ айтадиган бўлсак, 20 ёшли шахматчи 9 турдан кейин 7 очко жамғарди. Натижада у учинчи ўринни қўлга киритди.
Якуний босқичда қуръа ташланди ва икки қозоғистонлик гроссмейстер – 24 ёшли Алишер Сулейменов (2481) ва 20 ёшли Қазибек Нўгербек (2514) ўзаро куч синашди. 2024 йилги шахмат бўйича U20 жаҳон чемпиони қора доналарда ўйнаб, рақибини мағлуб этди ва 3-ўринга кўтарилди.
Мусобақада иштирок этган қозоғистонлик бошқа шахматчиларнинг натижалари қуйидагича:
Алишер Сулейменов – 6 очко, 16-ўрин;
11 ёшли Аланна Берикқизи (2015) – 4 балл, 86-ўрин;
12 ёшли Тимур Душатов (2102) – 4 очко, 93-ўрин.
Эслатиб ўтамиз, аввалроқ Қозоғистон шахматчилари Словенияда ўтказилган жаҳон чемпионатида 10 та медални қўлга киритгани ҳақида хабар берган эдик.
