Қозоғистонлик Самат Сарсенули жиу-житсу бўйича жаҳон чемпиони бўлди

ASTANA. Кazinform – Бирлашган Араб Амирликлари пойтахти Абу-Даби шаҳрида бўлиб ўтаётган жаҳон чемпионатида қозоғистонлик жиу-житсу усталари ғолибликни қўлга киритди, деб хабар беради Кazinform.

Қозоғистон жиу-житсу федерациясидан маълум қилишларича, Самат Сарсенули 56 кг вазн тоифасида олтин медални қўлга киритиб, жаҳон чемпиони бўлди.

Ақмолалик Бекзат Баймуратов катталар ўртасидаги жаҳон чемпионатининг бронза медали соҳибига айланди.

У жанг сексиясида 77 килограмм вазн тоифасида иштирок этди.

Эслатиб ўтамиз, қозоғистонлик Руслан Исраилов олтин, Нуржан Ботирбеков ва Дархан Нартаев бронза медалига сазовор бўлди.

Фото: instagram.com/jj_kaz