Қозоғистонлик мерганлар жаҳон чемпионатидан яна 4 та медални қўлга киритди

ASTANA. Kazinform – Жанубий Кореянинг Чханвон шаҳрида нишонга отиш бўйича ёшлар ўртасидаги жаҳон чемпионатида Қозоғистон терма жамоаси яна 4 та медални қўлга киритди, деб хабар беради Kazinform мухбири.

ҚР Спортни ривожлантириш бошқармаси матбуот хизмати хабарига кўра, Қозоғистон қизлар терма жамоаси ҳаракатланувчи нишон (10 м) бўйича украиналик спортчиларни мағлуб этиб, чемпион бўлди.

Мамлакат шарафини ҳимоя қилган опа-сингиллар Зухра ва Фатима Ерназаровалар ҳамда Александра Садуақасова ушбу машқда катталар ўртасида жаҳон рекордини янгилади (1686 балл).

Ушбу мусобақада Қозоғистон ёшлар терма жамоаси кумуш медалга эга бўлди.

Жамоа таркибида Асадбек Назиркульев, Илья Зотеев, Даниил Яковенко беллашди.

Шу билан бирга, ҳаракатланувчи нишондан отиш бўйича яккалик баҳсларида Фатима Ерназарова иккинчи ўринни эгаллади.

Фатиманинг саралашдаги 572 балли ўсмирлар ўртасида янги жаҳон рекорди сифатида қайд этилди.

Никита Чирюкин эса 25 метрдан (572 балл) тўппончадан отиш бўйича (стандарт) кумуш медални қўлга киритди. Бу Н.Чирюкиннинг ушбу чемпионатдаги иккинчи медали.

Эслатиб ўтамиз, аввалроқ қозоғистонлик Арина Алтухова нишондан отиш бўйича жаҳон чемпионатида кумуш медални қўлга киритгани ҳақида ёзган эдик.

Никита Чирюкин нишонга отиш бўйича жаҳон чемпиони бўлди.

Муаллиф: Ғайсағали Сейтақ