Қозоғистонлик мерганлар Осиё чемпионатининг сўнгги кунида 3 та кумуш медални қўлга киритди

ASTANА. КAZINFORM - Индонезия пойтахтида ўтказилаётган Осиё чемпионатининг ҳал қилувчи кунида ҚР терма жамоаси мерганлари яна 3 та кумуш медални қўлга киритди, деб хабар беради Kazinform.

Спортни ривожлантириш дирекцияси хабар беришича, Фатима Ирназарова аралаш тезликда ҳаракатланувчи нишонга ўқ отиш (10 метр) бўйича кумуш медални қўлга киритди.

У мусобақада фақат Қатар спортчисига имкониятни бой бериб, 361 очко жамғарди.

Эркаклар ўртасида эса Асадбек Назирқулиев шоҳсупанинг 2-поғонасига кўтарилди. У 377 очко тўплаб, шахсий рекордини қайд этди.

Андрей Худяков, Ильтя Зотеев ва Асадбек Назирқулиевдан иборат трио жамоавий баҳсларда кумуш медални қўлга киритди.

Бош соврин Индонезия терма жамоасига насиб этди.

Шу билан нишонга отиш бўйича сариқ қитъа чемпионати ўз ниҳоясига етди.

Чемпионатда Александра Ле (винтовка) ва Никита Чирюкин (тўппонча) Қозоғистон терма жамоасига Париж Олимпиадасига лицензия тақдим этишди.

Энди мерганлар ҳисобида 5 та йўлланма мавжуд.

Терма жамоа қўлга киритган совринлар сони: 4 та олтин, 5 та кумуш, 5 та бронза медалларидан иборат.