Қозоғистонлик боксчи тўрт карра чемпионни мағлуб этди
ASTANA. Kazinform – Қозоғистонлик боксчи Мария Сидоренко 2024 йил Будвада (Черногория) бўлиб ўтаётган ёшлар ўртасидаги жаҳон чемпионатидаги чиқишларини муваффақиятли бошлади. Бу ҳақда Sports.kz хабар берди.
70 килограммгача бўлган вазн тоифасида 1/8 финалда Сидоренко сербиялик спортчи Анастасия Боскович билан жанг ўтказди ва қозоғистонлик спортчи судьяларнинг якдил қарори билан ғолиб бўлди.
Шу тариқа Мария Сидоренко ёшлар ўртасидаги жаҳон чемпионатининг чорак финалига чиқди ва медаллар учун курашни давом эттирмоқда.
Эслатиб ўтамиз, Сидоренко бу йил Астана шаҳрида ўтказилган ёшлар ўртасидаги Осиё чемпионатида кумуш медални қўлга киритди.
Рақибининг ютуқларига келсак, Анастасия Боскович Сербиянинг тўрт карра чемпиони. У ёшлар ва ўсмирлар ўртасидаги Европа чемпионатларида ҳам бронза медалларини қўлга киритган.
